لاہور(این این آئی)بلائنڈ ٹی ٹوئنٹی ورلڈ کپ کے لیے سری لنکا اورجنوبی افریقہ کی کرکٹ ٹیمیں پاکستان پہنچ گئی ہیں۔سری لنکا بلائنڈ کرکٹ ٹیم کا لاہور ایئرپورٹ پر پاکستان بلائنڈ کرکٹ کونسل کے عہدیداران نے استقبال کیا۔ٹی ٹونٹی بلائنڈ کرکٹ ورلڈ کپ میں شرکت کیلئے جنوبی افریقہ کی ٹیم لاہور پہنچ گئی۔بلائنڈ ٹی ٹونٹی کرکٹ ورلڈ کپ کل سے لاہور میں شروع ہو گا۔افغانستان اور جنوبی افریقہ کی ٹیمیں پہلے ہی پاکستان پہنچ چکی ہیں جبکہ نیپال بلائنڈ کرکٹ ٹیم واہگہ کے راستے لاہور پہنچی۔ بنگلہ دیش بلائنڈ کرکٹ ٹیم بھی لاہور پہنچ گئی ۔بلائنڈ کرکٹ ورلڈکپ کی افتتاحی تقریب آج لاہور میں ہوگی  ۔ پاکستان بلائنڈ کونسل کے چیئرمین سید سلطان شاہ نے کہا کہ 2022ء میں بھارت نے ویزے نہ دے کر ہمیں شرکت سے محروم کیا، اب اپنی ٹیم کو پاکستان آنے کی اجازت نہیں دی، ایسا کب تک چلے گا،  معاملہ کونسل  میں اٹھائیں گے۔ایک بات طے ہے کہ کب تک ہم انڈین کے ہاتھوں بلیک میل ہوتے رہیں گے۔ یہ نہیں ہوسکتا کہ بھارتی حکومت جہاں چاہے، ہم کھیلنے پہنچ جائیں اور وہ نہ آئیں۔