پاکستان کرکٹ سکواڈ بلاوائیو پہنچ گیا، زمبابوے سے پہلا ون ڈے پرسوں ہو گا

لاہور(سپورٹس رپورٹر )قومی کرکٹ سکواڈ زمبابوے کیساتھ ون ڈے اور ٹی ٹونٹی سیریز کھیلنے کیلئے بلاوائیو پہنچ گیا۔پاکستان اور زمبابوے کے درمیان تین تین میچز پر مشتمل ون ڈے اور ٹی ٹونٹی سیریز کھیلی جائیں گی۔پاکستان کرکٹ ٹیم آج جمعہ کو آرام اور کل پریکٹس کرے گی، پاکستان اور زمبابوے کے درمیان پہلا ون ڈے میچ 24 نومبر کو ہوگا۔وائٹ بال کرکٹ ٹیم کے عبوری ہیڈ کوچ عاقب جاوید آج زمبابوے کیلئے روانہ ہوں گے۔عاقب جاوید بلاوائیو میں قومی ٹیم کو جوائن کریں گے۔دونوں ٹیموں کے درمیان دوسرا ون ڈے 26 نومبر اور تیسرا ور آخری میچ 28 نومبر کو کھیلا جائیگا، تینوں ون ڈے ایک ہی مقام کو ئنز سپورٹس کلب بلاوائیو میں کھیلے جائیں گے۔