فیصل آباد (نمائندہ خصوصی) کینال روڈ ٹریٹ بیکری کے قریب مبینہ پولیس مقابلے میں درجنوں وارداتوں میں مطلوب ریکارڈ یافتہ دو ڈاکو ہلاک ہوگئے۔ مرنے والے ڈاکوئوں کی شناخت مبشر اور بلال کے ناموں سے ہوئی۔ پولیس ذرائع کے مطابق کینال روڈ پر دو موٹرسائیکلوں پر سوار چار  ڈاکو لوٹ مار کررہے تھے، ڈولفن ٹیم پہنچی تو ڈاکوئوں نے فائرنگ کردی۔ ڈولفن فورس نے  بھی  جوابی فائرنگ کی۔ اس دوران دونوں ڈاکو ہلاک ہو گئے۔