لاہور (نوائے وقت رپورٹ) دنیا کی طویل القامت اور پست قد خاتون کی پہلی بار ملاقات ہوئی ، جس کی ویڈیو نے سوشل میڈیا صارفین کے چہروں پر مسکراہٹ بکھیر دی۔ گنیز ورلڈ ریکارڈز نے بھارت سے تعلق رکھنے والی دنیا کی پست قد خاتون جیوتی اور ترکیہ سے تعلق رکھنے والی  دنیا کی قد آور خاتون رومیسہ  کے درمیان ہونے والی ملاقات کی ویڈیو انسٹاگرام پر شیئر کی۔ ویڈیو میں دونوں ایک ساتھ وقت گزارنے اور چائے پیتے ہوئے خوشگوار موڈ میں ہیں۔