6ہزار سکھ یاتریوں کی گوردوارہ روڑی صاحب ایمن آباد آمد، رسومات ادا کیں 

ایمن آباد (نامہ نگار) بابا گورونانک کے 555ویں جنم دن کے موقع پر ہونے والی تقریبات میں شمولیت کے لیے تقریبا چھ ہزار سکھ زائرین گوردوارہ روڑی صاحب آئے جہاں انہوں نے اپنی مذہبی رسومات ادا کیں۔ ان میں سے بیشتر نے اندرون قصبہ بھائی لالو دی کھوئی اور چکی صاحب کی بھی زیارت کی اس موقع پر رنجیت سنگھ رانا، سرجیت سنگھ گھمن، بی بی سولین ، بلدیو سنگھ، جگجیت سنگھ، سنت نان سنگھ، مان سجلہ سنگھ، کشمیر سنگھ اور ان کے دیگر زائرین ساتھیوں نے کہا کہ ہم حکومت پاکستان بالخصوص پنجاب حکومت اور عوام کے تہہ دل سے ممنون ہیں جنہوں نے ویزا پالیسی آسان کرنے کے ساتھ ساتھ ہمیں نہ صرف ستھرا گھر جیسا ماحول دیا اور فول پروف سکیورٹی دیتے ہوئے والہانہ استقبال بھی کیا۔ کمشنر نوید حیدر شیرازی، آر پی او طیب حفیظ چیمہ، ڈپٹی کمشنر نوید احمد، سی پی او ایاز سلیم کی بھی تعریف کی جبکہ زائرین نے ضلعی اور تحصیل کامونکی امن کمیٹی سے بھی ملاقات کی۔