گلوبل سورسنگ ایکسپو میںپاکستان کو "بہترین پویلین" ایوارڈ سے نوازا گیا

اسلام آباد (نمائندہ خصوصی) میلبرن میں پاکستان کے پویلین کو گلوبل سورسنگ ایکسپو میں "بہترین پویلین" ایوارڈ سے نوازا گیا۔  وفاقی وزیر جام کمال خان کی ہدایت پر عالمی نمائش میں پاکستان کی مصنوعات کا شاندار مظاہرہ پیش کیا گیا،گلوبل سورسنگ ایکسپو، میلبرن میں پاکستان کے پویلین نے اپنی منفرد ڈیزائن اور اعلیٰ معیار کے ساتھ سب کو متاثر کیا۔  چین، بھارت، ویتنام اور دیگر ممالک کے مقابلے میں پاکستان کا پویلین نمایاں رہا۔  گلوبل سورسنگ ایکسپو میں پاکستان کی 21 کمپنیوں نے ٹیکسٹائل، لیدر اور ہوم ٹیکسٹائل کی نمائندگی کی۔  میں منعقدہ تقریب میں پاکستانی پویلین کو "بہترین پویلین" ایوارڈ کے ساتھ شیلڈ دی گئی۔  ہائی کمشنر زاہد حفیظ چوہدری نے ٹی ڈیپ  کی جانب سے شیلڈ وصول کی۔  جام کمال خان نے کہا کہ یہ کامیابی پاکستانی برآمدات کے لیے ہمارے عزم اور محنت کا مظہر ہے۔"   پاکستانی پویلین کی کامیابی نے بین الاقوامی مارکیٹس میں ملکی مصنوعات کی اہمیت کو مزید اجاگر کی۔