دفاعی نمائش، پاکستان اور چین میں دفاعی ساز و سامان  کے معاہدے  

کراچی(آئی این پی )دفاعی نمائش کے دوران پاکستان اور چین کے مابین دفاعی ساز و سامان کے معاہدے طے پاگئے ۔ آئیڈیاز 2024 دفاعی نمائش ایکسپو سینٹر کراچی میں جاری ہے۔ اس دوران کئی بین الاقوامی کمپنیوں کے ساتھ معاہدے اور مفاہمتی یادداشتوں پر دستخط کیے جا چکے ہیں، اسی سلسلے میں پاکستان اور چین کے مابین دفاعی سازو سامان سے متعلق  بھی معاہدے ہوئے۔مفاہمتی یاداشت پر دستخط چین کے مسٹر ڈنگ اور پاکستان  کے بریگیڈیئر ندیم احسن نے کیے۔ یہ معاہدہ پاکستانی کمپنی ہیوی انڈسٹریز ٹیکسیلا اور چینی کمپنی نورنکو کے مابین ہوا  ہے۔اسی طرح دوسرا معاہدہ چناب انجینئرنگ ورکس اینڈ فانڈریز کے ساتھ ہوا ۔ اس موقع پر مفاہمتی یاداشت پر دستخط پاکستان کے بریگیڈیئر ندیم احسن اور چناب کمپنی کے احمد حسن نے دستخط کیے۔