کئی گھروں سے لاکھوں روپے، سونا، لیپ ٹاپ، قیمتی سامان چوری

راولپنڈی(اپنے سٹاف رپورٹرسے)ڈکیتی، چوری کی وارداتوں میں شہری نقدی، زیورات، موٹر سائیکلوں سمیت قیمتی سامان سے محروم ہو گئے تھانہ ویسٹریج کو محمد رمضان نے بتایا کہ الہ آباد میں میرے گھر کے تالے توڑ کر 60 ہزار روپے کی نقدی، پانچ لاکھ روپے مالیتی سونا، 25 ہزار روپے مالیتی سامان چوری کرلئے گئے تھانہ بنی پولیس کو افتخار احمد نے بتایا کہ سید پور روڈ پر میرے سکول سے 50 ہزار روپے مالیتی سائنس لیبارٹری کا سامان چوری ہوگیا تھانہ سول لائن کو نبیل ناصر نے بتایا کہ گلستان کالونی میں دو مسلح موٹر سائیکل سوار مجھ سے ایک لاکھ 36 ہزار روپے چھین کر فرار ہوگئے تھانہ دھمیال کو محمد کامران نے بتایا کہ اکبر مارکیٹ میں دو مسلح موٹر سائیکل سواروں نے میری کار روک کر مجھ سے سیل کی رقم ایک لاکھ 97 ہزار روپے اور دو موبائل فون چھین کر فرار ہوگئے تھانہ صادق آباد کو خلیل الرحمن نے بتایا کہ ٹرانسفارمر چوک میں میرے رہائشی کمرے کا تالا توڑ کر 60 ہزار روپے اور موبائل فون اسسریز چوری کرلئے گئے تھانہ روات کو چوہدری مبشر حسین نے بتایا کہ میرے گھر کی بیسمنٹ کی گرل کاٹ کر 40 ہزار روپے ،8تولہ سونا اور لیپ ٹاپ، کپڑے چوری کرلئے گئے تھانہ آر اے بازار کو حسنین کمال نے بتایا کہ میرے گھر کمال آباد سے 25 ہزار روپے اور ایل ای ڈی چوری کرلئے گئے۔