فیصل آباد (نمائندہ خصوصی) فیصل آباد شہر اور نواح میں ڈکیتی‘ چوری کی تیس وارداتوں میں ڈاکو شہریوں سے لاکھوں روپے ‘ نقدی‘ طلائی زیورات‘ کاریں اور موٹر سائیکلیں چھین کر فرار ہو گئے مزاحمت پر دو افراد کو فائرنگ کرکے شدید زخمی کر دیا‘ علاقہ مسلم ٹاﺅن آفیسر بلاک کے رہائشی سہیل رشید کے گھر سے چار ڈاکو پندرہ لاکھ روپے کے زیورات‘ نقدی‘ مو بائل فونز اور ایک کار لوٹ کر لے گئے‘ چک نمبر604 گ ب میں ڈاکو نذیر کے گھر داخل ہوئے اہل خانہ کے جاگنے پر فائرنگ شروع کر دی نذیر احمد گولی لگنے سے شدید زخمی ہو گیا جبکہ اہل خانہ کی فائرنگ سے ایک ڈاکو زخمی ہو گیا چک نمبر232 کے رہائشی عنایت کو تھانہ فیکٹری ایریا کے علاقہ نا ولٹی پل ڈجکوٹ روڈ پر فائرنگ کرکے زخمی کر دیا گیا‘ تھانہ ٹھیکری والا کے علاقہ میںپائپ لائن سے لاکھوں کا دس ہزار لیٹر ڈیزل چوری کر لیا گیا‘ تھانہ جھنگ بازار کے علاقہ لیاقت ٹاﺅن میں ڈاکو محمد اعظم سے موٹرسائیکل نقدی‘ مو بائل فون چھین کر لے گئے‘ بلوچنی کے علاقہ شیخو پورہ روڈ میں ڈاکوﺅں نے ڈرائیور محمد یاسین سے ڈالہ‘ ملت روڈ پر نسیم سے موٹر سائیکل‘ ڈی ٹائپ کے علاقہ شریف پورہ کے قریب ساجد اقبال کی والدہ سے پرس‘ پیپلز کالونی کے علاقہ ستارہ مال ہریاں والا چوک کے قریب مشہود‘ ستیانہ روڈ پر حاجی عبد الستار اور اس کی بیوی سے نقدی‘ زیورات اور مو بائل فون چھین لئے