فیصل آباد : مبینہ پولیس مقابلہ میں2 ڈاکو ہلاک‘ کانسٹیبل سمیت 2 افراد شدید زخمی

فیصل آباد + جڑانوالہ (نمائندہ خصوصی+نامہ نگار) فیصل آباد کے نواحی علاقہ تھانہ روڈالہ روڈ میں ہونے والے مبینہ پولیس مقابلہ کے دوران دو ڈاکو ہلاک جبکہ کانسٹیبل سمیت دو افراد شدید زخمی ہو گئے جبکہ ڈاکوﺅں کا ایک ساتھی فرار ہونے میں کامیاب ہو گیا‘ پولیس کے مطابق تھانہ رو ڈالہ روڈ کے گاﺅں 266 گ۔ ب میں گزشتہ روز تین مسلح ڈاکوﺅں نے دودھ فروش عمر حیات سے گن پوائنٹ پر موٹر سائیکل چھین لی اور مزاحمت کرنے پر اسے زخمی کر کے فرار ہو گئے۔ اطلاع ملنے پر پولیس نے ناکہ بندی کر لی اور گشت کے دوران پولیس کا ڈاکوﺅں سے مقابلہ ہو گیا دو طرفہ فائرنگ کے نتیجہ میں دو خطرناک ڈاکو کالی ماچھی ساکن 435 اور ناصر ساکن 367 گ ب ہلاک ہو گئے جبکہ مقابلہ کے دوران ایک ہیڈ کانسٹیبل شدید زخمی ہو گیا۔ زخمی ملازم کو ہسپتال منتقل کر دیا گیا۔