لاہور+ فیروز والہ (نمائندہ خصوصی+ نامہ نگار) ٹریفک حادثات میں 2 افراد زندگی کی بازی ہار گئے جبکہ 6 شدید زخمی ہو گئے۔ تفصیلات کے مطابق دھرمپورہ میں ایک عمر رسیدہ شخص سڑک عبور کر رہا تھا کہ تیز رفتار کار اسے ٹکر مار کر فرار ہو گئے اسے شدید زخمی حالت میں ہسپتال پہنچایا گیا جہاں وہ بے ہوشی کی حالت میں ہی دم توڑ گیا۔ دریں اثناءجی ٹی روڈ پر مختلف حادثات میں ایک شخص ہلاک اور چھ افراد زخمی ہو گئے۔ بتایا گیا ہے کہ لاہور روڈ پر تیز رفتار کار کی ٹکر لگنے سے ریڑھی بان اصغر ہلاک ہو گیا جی ٹی روڈ پر کاروں کے تصادم میں کاشف اور نصیر دیگر افراد زخمی ہو گئے۔ کالاخطائی موڑ کے قریب گاڑی کی سائیڈ لگنے سے راہگیر زخمی ہو گیا۔