لاہور(سپورٹس رپورٹر) پنجاب یوتھ فیسٹول کے صوبائی مرحلے میں کھیلوں کے مقابلے گزشتہ روز بھی جاری رہے۔ گرلز والی بال مقابلے کے دوران یونیورسٹی لیول میں لاہور نے ساہیوال،گوجرانوالہ نے سرگودھا اور ملتان نے بہاول پور کو ہرا دیا، بوائز یونیورسٹی لیول والی بال مقابلوں میں سرگودھانے راولپنڈی،گوجرانوالہ نے سرگودھا اورلاہور نے ملتان کو ہرا دیا،کالج لیول مقابلوں میں فیصل آباد نے ملتان، بہاولپورنے راولپنڈی، ڈیرہ غازی خان نے سرگودھا اور ساہیوال نے لاہور کو شکست دیدی۔ اسطرح سکول لیول مقابلوں میں گوجرنوالہ نے ڈیرہ غازی خان، فیصل آباد نے راولپنڈی، لاہور نے سرگودھا اور ملتان نے بہاول پور کو ہرا دیا۔ جنرل پبلک مقابلوں میں فیصل آباد نے بہاول پور،گوجرنوالہ راولپنڈی، لاہور نے ملتان اور سرگودھا نے ڈی جی خان کو ہرا دیا۔ اتھلیٹیکس جنرل پبلک مقابلوں میں پہلی تین پوزیشنز ساہیوال کے حصے آئیں۔ سو میٹر اور دو سو میٹر دوڑ میں سخاوت حسین نے کامیابی حاصل کی جبکہ آٹھ سو میٹر دوڑ میں محمد اکرام فاتح قرار پائے۔ پندرہ سو میٹر دوڑ کے مقابلوں میں فیصل آباد کے محمد صمد کامیاب قرار پائے۔ لانگ جمپ میں کامیابی گوجرنوالہ کے محمد عمران، شاٹ پٹ میں لاہور کے محمد مشتاق ا ور نیزہ پھینکنے کے مقابلے ساہوال کے محمد عدیل کے حصے آئی۔ انٹر سکول ڈویژن اتھلیٹکس مقابلوں میںسو میٹر دوڑ گوجرنوالہ کے حافظ وقاص نے کامیابی اپنے نام کی۔دو سو میٹر دوڑ میں کامیابی لاہور کے محمد لئیق کے حصے میں آئی جبکہ آٹھ سو میٹر دوڑ میں ساہیوال کے ارسلان علی فاتح قرار پائے۔ پندرہ سو میٹر دوڑ کے مقابلوں میں فیصل آباد کے احسن شہزاد کامیاب قرار پائے۔ لانگ جمپ میں کامیابی فیصل آباد کے فہد عدیل، شارٹ پٹ میں ملتان کے محمد ارشد اور نیزہ پھینکنے کے مقابلے میں بھی ملتان محمد ارشدکے حصے آئی۔ فٹبال مقابلوں میں یونیورسٹی لیول میں ساہیوال اور فیصل آباد کو واک اوور مل گیاجبکہ سرگودہا نے گوجرانوالہ کو چار گول سے ہرا دیا۔ سکول لیول میں فیصل آباد نے ڈی جی خان،راولپنڈی نے بہاول پور اور لاہور نے گوجرانوالہ کو شکست دیدی۔کالج سطح کے مقابلوں میں راولپنڈی نے ملتان اور سرگودہا نے گوجرانوالہ کو شکست دی جبکہ فیصل آباد نے بہاولپور کو ہرا دیا۔ جنرل پبلک مقابلوں کے دوران ملتان نے گوجرانوالہ، راولپنڈی نے لاہور اور ڈی جی خان نے فیصل آباد کو پلنٹی ککس پر شکست دیدی۔گرلز یونیورسٹی سطح کے ٹیبل ٹینس مقابلوں میں سرگودھا نے ملتان، راولپنڈی نے گوجرانوالہ اور لاہور نے بہاولپور کو ہرا دیا، کالج لیول مقابلوں میں فیصل آباد نے ملتان،بہاولپورنے راولپنڈی، ڈیرہ غازی خان نے سرگودھا اورساہیوال نے لاہور کو شکست دیدی۔ اس طرح سکول لیول مقابلوں میں گوجرنوالہ نے ڈیرہ غازی خان، فیصل آباد نے بہاولپور، لاہور نے ڈی جی خان اور ملتان نے ساہیوال کو ہرا دیا۔ سکول گرلز مقابلوں میں فیصل آباد نے بہاول پور،گوجرانوالہ نے راولپنڈی ،گوجرانوالہ نے لاہور، ڈی جی خان نے سرگودھا کو ہرا دیا۔ باسکٹ بال مقابلوں یونیورسٹی لیول میں فیصل آباد نے ملتان جبکہ جنرل لیول میں لاہور کی ٹیم کامیاب رہی۔