تےسراقومی ڈس ایبلڈکرکٹ ٹورنامنٹ، سیمی فائنلز 23اور فائنل 24اکتوبر کو ہونگے

اسلام آباد / کراچی (ثناءنیوز) ڈس ایبلڈ کرکٹ ایسوسی ایشن کے زیراہتمام تیسری نیشنل ڈس ایبلڈ ون ڈے کرکٹ چیمیپین شپ کے دونوں سیمی فائنل 23اکتوبر بروز منگل صبح 9:30بجے ریس کورس پارک گراﺅنڈ لاہور میں کھیلے جائینگے۔ سیمی فائنلز میں دفاعی چیئمپن کراچی ڈس ایبلڈ کرکٹ ٹیم کا مقابلہ ملتان ڈس ایبلڈ ٹیم سے جبکہ گذشتہ سال کی رنز اپ راولپنڈی/ اسلام آباد کا سامنا لاہور ڈس ایبلڈ ٹیم سے ہوگا۔ سیمی فائنل کی فاتح ٹیموں کے درمیان فائنل 24اکتوبر کو صبح:30 9بجے لاہور جم خانہ میں کھلا جائیگا۔ اعزازی سیکرٹری پاکستان ڈس ایبلڈ کرکٹ ایسوسی ایشن امیر الدین انصاری کے مطابق ایونٹ کی تقریب تقسیم انعامات فائنل میچ کے بعدگراﺅنڈ پر ہی ہوگی۔ چیف آپیٹرٹنگ آفیسر پاکستان کرکٹ بورڈ سبحان احمد کی بحیثیت مہمان خصوصی آمد متوقع ہے۔

 تقریب میں قومی کرکٹرز و لاہور سٹی کرکٹ ایسوسی ایشن کے آفیشلز کے علاوہ میڈیا کے نمائندے بھی شرکت کریں گے ۔