گرفتارہونے والا پولیس اہلکارقمرالدین ون فائیو سروس پرکورنگی ایریا میں تعینات تھا۔ایس ایس پی گڈاپ کے مطابق پولیس کو کئی شکایات موصول ہوئیں کہ شہریوں کوتلاشی کے بہانے لوٹا جارہا ہے جس کے بعد سچل تھانے کے سادہ لباس اہلکاروں نے کارروائی کرتے ہوئے پولیس اہلکار قمر الدین اور اسکے تین ساتھیوں کو رنگے ہاتھوں گرفتار کرلیا۔ ملزمان سے چارعدد پستول اورلوٹی ہوئی رقم بھی برآمد کرلی گئی ہے۔