ملتان(نمائندہ نوائے وقت) پی سی بی کے زیراہتمام پٹینگولر انڈر 19 کپ کے پہلے روز کھیلے گئے میچز میں فیڈرل ایریاز نے کے پی کے کو جبکہ بلوچستان نے پنجاب کے خلاف کامیابی حاصل کرلی۔ملتان کرکٹ سٹیڈیم میں ایونٹ کے پہلے روز بلوچستان نے 152 رنز کا ہدف دیا۔اصصف 47 اشعر بھٹی 35 اور شعیب نے 24 رنزبنائے۔جنید اعوان نے 2 وکٹیں حاصل کیں۔پنجاب کی ٹیم 136 رنز پر ڈھیر ہوگئی۔حسن ڈار 32 اویس ظفر 31 فہد منیر 26 ابتسا م الحق نے 22 رنزبنائے۔منیر جنید 3بلال اور عامر علی نے 2،2 وکٹیں حاصل کی۔دوسرے میچ میں کے پی کے نے 9 وکٹوں پر 128 رنزبنائے۔محسن خان 55 رنزبناکر نمایاں رہے۔فیڈرل ایریاز ٹیم نے ہدف 2 وکٹوں پر مکمل کرلیا۔عزیر ناصر 47 عرفان خان 32 جبکہ حیدر علی نے 28 رنزبنائے۔