راولپنڈی(نیوز رپورٹر)ممبر کینٹ بورڈ راولپنڈی وارڈ4رشیداحمدخان نے کہا ہے کہ کینٹ میں شروع ہونیوالا ہفتہ صفائی بھرپوراندازمیں منائیں گے گزشتہ سال بھی صفائی کے حوالے سے ہماری وارڈ کی کارکردگی بہترین رہی تھی اس سال بھی انشاء اللہ پہلے سے بہترین کارکردگی دکھائیں گے عوام بھی اس سلسلے میں اپنی ذمہ داریوں کا احساس کرتے ہوئے کنٹونمنٹ بورڈراولپنڈی کے عملہ صفائی کے ساتھ پورا تعاون کریں تاکہ علاقے میں صفائی ہوگی تو بیماریوں سے بچائو ممکن ہوسکے گا ویسے بھی صفائی نصف ایمان ہے ہم سب کو صفائی کے سلسلے میں خصوصی اقدامات کرنے چاہیے ان خیالات کااظہارانہوں نے اپنے مرکزی آفس مغل آباد میں اہلیان علاقہ کے ایک وفدسے گفتگو کرتے ہوئے کیا،رشیداحمدخان نے کہا کہ گلی محلوں کو صاف رکھنا ہم سب کی مشترکہ ذمہ داری ہے کنٹونمنٹ بورڈ راولپنڈی کا ہفتہ صفائی اس حوالے سے آگاہی فراہم کرتا ہے کہ ہم نے کیسے اپنے گھروں کے ساتھ ساتھ علاقے کو صاف ستھرا رکھنا ہے ،کوڑا کرکٹ مخصوص جگہوں کے علاوہ کہیں نہیں پھینکنا چاہیے۔