ڈریال گیس سیلنڈر دھماکے کے زخمیوں میں تیرہ سالہ بچی بھی دم توڑ گئی 

کلرسیداں(نامہ نگار)ڈریال گیس سیلنڈر دھماکے کے زخمیوں میں تیرہ سالہ بچی بھی دم توڑ گئی اس طرح اس حادثے میں جاں بحق ہونے والوں کی تعداد پانچ ہو گئی ہے سات ایام قبل کچن میں ہونے والے گیس سیلنڈر دھماکے میں بچوں سمیت چھ افراد بری طرح سے جھلس گئے تھے انہیں برن یونٹ کھاریاں منتقل کیا گیا جہاں اب تک پانچ زخمی جاں بحق ہو چکے ہیں اور صرف ایک زخمی کھاریاں ہسپتال میں زیر علاج ہے جس کی حالت بھی غیر تسلی بخش بیان کی جاتی ہے ۔