عابد علی نے 8 ہزار رنزکا سنگ میل عبور کرلیا

 کراچی(یواین پی) ٹیسٹ اوپنر عابد علی نے فرسٹ کلاس کرکٹ میں 8 ہزار رنز کا سنگ میل عبور کرلیا۔قائداعظم ٹرافی کے ابتدائی رائونڈ میچز میں سدرن پنجاب کیخلاف سینٹرل پنجاب نے 3 وکٹ پر 289 رنز بنا لیے،اوپنر عابد علی نے ناقابل شکست132رنز کی اننگز کھیلی جبکہ ٹیسٹ کرکٹر نے فرسٹ کلاس کرکٹ میں 8 ہزار رنز مکمل کرلیے، انھوں نے یہ سنگ میل کیریئر کی 224 ویں اننگز میں عبور کیا۔ سندھ کیخلاف بلوچستان نے ٹاس جیت کر پہلے بیٹنگ کرتے ہوئے 4 وکٹ پر 253 رنز بنالیے، عمران بٹ نے 104 کی اننگز کھیلی، امام الحق 97 رنز بناکر نمایاں رہے، عبدالواحد 32 پر ناٹ آئوٹ ہیں، حارث سہیل 16 اور کاشف بھٹی 1 رن بناکر میدان بدر ہوئے۔