قلعہ دیدار سنگھ:قبروں سے لوہے کی تختیاں چوری کرنے والا گروہ سرگرم 

قلعہ دیدار سنگھ (نامہ نگار)چوروں نے قبروں کو بھی نہ بخشا متعدد قبروں سے لوہے کی تختیاں چوری کرنے والا گروہ سرگرم ، ایک ہفتہ میں درجنوں قبروں سے تختیاں غائب، انتظامیہ چوروں کا سراغ لگانے میں ناکام،۔تفصیلات  کے مطابق تھانہ قلعہ دیدار سنگھ کے علاقہ مرکزی قبرستان میں قبروں سے لوہے کی تختیاں چرانے والا گروہ سرگرم ہے شہریوں علم دین، افضال احمد، محمد عثمان ،ساجد محمود، ضیا اللہ ودیگر نے بتایا ہے کہ گزشتہ ایک ہفتہ سے درجنوں قبروں سے تختیاں غائب ہوگئی ہیں جس کی اطلاع انتظامیہ کو بھی دی گئی لیکن روز انہ تین چار قبروں سے تختیاں غائب ہونا معمول بن چکا ہے ۔