کراچی (اسپورٹس رپورٹر) اوزی برادرز کے زیر اہتمام ستاروں کا میلہ سجا۔ ٹورنامنٹ میں میڈیا، شوبز اسٹارز، یو ٹیوبرز، ٹک ٹاکرز، فیشن ماڈلز اور پولیٹیشنز سمیت چھ ٹیموں نے حصہ لیا۔ فائنل میں یوٹیوبرز نے پہلے بیٹنگ کرتے ہوئے مقررہ تین اوور میں بہتر رنز اسکور کیے۔ شہرقائد کے نامور ٹیپ بال اسٹار اسد شاہ نے چھکوں کی بارش کرتے ہوئے سات چھکوں کی مدد سے باون رنز کی طوفانی اننگ کھیلی۔ جواب میں شوبز اسٹارز کی ٹیم ہدف کے تعاقب مین ناکام رہی۔ اور اڑتالیس رنز بناسکی۔ ٹورنامنٹ ڈائریکٹر زببر الیاس، ایونٹ سیکریٹری عمیر الیاس اور چیف آرگنازئر کلیم احمد نے شاندار بیٹنگ کرنے پر اسد شاہ کو فائنل اور ٹورنامنٹ کا بہترین کھلاڑی قرار دیا۔ مہمان خصوصی معروف تاجر کنگز گروپ کے سی ای او اویس تھانوی نے کھلاڑیوں میں انعامات تقسیم کیے۔ فاتح ٹیم یو ٹیوبرزکے کپتان پی فور پکاؤ کے نادر علی نے فاتح ٹرافی وصول کی۔ جبکہ رنرز اپ ٹیم شوبز اسٹارزکے کپتان اداکار کامران جیلانی کو دوسری پوزیشن کی ٹرافی ملی۔  اعزازی مہمان ایس ایس پی سیٹرل ڈاکٹر مرتضی، معروف تاجرخواجہ آصف اور عرفان ملک سمیت ایونٹ کو شائقیبن کی بھی بڑی تعداد نے دیکھا۔
اوزی برادرز