راولپنڈی(اپنے سٹاف رپورٹرسے)مری روڈلیاقت باغ سٹاپ پردو خواتین کو روڈ عبور کرتے ہوئے تیزرفتارسوزوکی پک اپ نے ٹکر ماری اورمیٹروٹریک کے پلر سے ٹکرا کر الٹ گئی چارخواتین زخمی ہو گئیں ترجمان ریسکیو1122کے مطابق ریسکیو 1122 کنٹرول روم میں نزد شیل پمپ، نزد لیاقت باغ، مری روڈ، راولپنڈی میں ایک سزوکی الٹنے کی کال موصول ہوئی جسں پر قریبی سروس موقع پر پہنچ گئی اور چار خواتین50سالہ زیتون ، 50سالہ روبینہ کوثر ، 35سالہ رفعت اور18سالہ عزنا زخمی ہو گئیں جن کو طبی امداد دیتے ہوئے سول ہسپتال منتقل کر دیا، ایک زخمی خاتون کے مطابق 2 خواتین روڈ کراس کر رہی تھیں کہ سوزوکی والے نے ان کو ٹکر ماری اور میٹرو کے پلر سے جا ٹکرائی، اسی دوران سوزوکی میں بیٹھی 2 خواتین بھی زخمی ہو گئیں۔