ٹنڈوآدم (نامہ نگار) میونسپل کمیٹی ٹنڈوآدم شہر کے نئے چیف میونسپل آفیسرباقر حسین بروہی نے اپنی تقرری کے بعد ٹنڈوآدم شہر کی صحت و صفائی کیلئے شہر کے مختلف علاقوں کا دورہ کیا اور موقع پر موجود سینیٹری انسپکٹرز اور عملے کو ہدایات جاری کیں اس موقع پر صحافی محمد ذیشان راہی نے سی ایم او ٹنڈوآدم میں انکے آفس میں ملاقات کی اور انہیں ٹنڈوآدم میں چارج سنبھالنے پر مبارکباد پیش کی اور شہر کی صحت و صفائی کی خراب صورتحال سے آگاہ کیا اور انہیں بتایا کہ سڑکوں پر مٹی ڈسٹ اڑنے کی وجہ سے صحت مند لوگ بھی دمے کے مریض بن گئے ہیں جبکہ سیوریج لائنوں اور ڈسپوزلوں کی صورتحال خراب ہوگئی، سڑکوں،گلیوں،محلوں اور بازاروں میں اسٹریٹ لائٹوں پر خصوصی توجہ کی ضرورت ہے اس موقع پر سی ایم او ٹنڈوآدم باقر حسین بروہی نے یقین دلایا کہ انشاءاللہ شہر کے صحت و صفائی،سیوریج اور اسٹریٹ لائٹس سمیت تمام مسائل حل کئے جائیں گے۔