شمالی وزیرستان‘ فورسز سے فائرنگ کے تبادلے میں 4 دہشت گرد ہلاک

اسلام آباد (خبر نگار خصوصی) صوبہ خیبر پی کے کے ضلع شمالی وزیرستان کے علاقے سپین وام میں سکیورٹی فورسز اور دہشت گردوں کے درمیان فائرنگ کے تبادلے میں 4 دہشت گرد ہلاک ہوگئے۔ آئی ایس پی آر  کے مطابق ہلاک دہشت گردوں سے اسلحہ و گولہ بارود برآمد  کرلیا گیا ہے۔ ہلاک دہشت گرد سکیورٹی فورسز کے خلاف دہشت گردی کی سرگرمیوں میں ملوث تھے۔