بھارت کیخلاف ایسی کاکرردگی دکھانا چاہتا ہوںجسے لوگ یاد رکھیں : شاہین آفریدی 

کراچی (اسپورٹس رپورٹر)قومی ٹیم کے فاسٹ بائولر شاہین شاہ آفریدی نے کہا ہے کہ بھارت کیخلاف ورلڈکپ میچ میں ایسی کارکردگی پیش کرنا چاہتا ہوں جسے لوگ ہمیشہ یاد رکھیں۔ کیریئر میں ایسا وقت آتا ہے کہ آپ اپنی پہچان بنانے کیلئے پرعزم ہوتے ہیں، ایسے مواقع بڑی ٹیموں کیخلاف ہی ملتے ہیں۔ گزشتہ برس میرا بھارت کیخلاف پہلا ٹی20 میچ تھا، پاکستان کبھی ورلڈکپ میں روایتی حریف سے نہیں جیتا تھا۔ میں یادگار کارکردگی پیش کرنے کا عزم لیے میدان میں اترا، میں روہت شرما کی ان سوئنگ یارکر پر مشکلات کا مشاہدہ کرچکا تھا۔ پہلی گیند ہی ایسی کی، میں شعیب ملک کیساتھ کھڑا تھا، انھوں نے پوچھا کہ کیا گیند سوئنگ ہورہی ہے میں نے کہا کہ زیادہ نہیں، لوکیش راہول کو لینتھ بال کرو، یہ تیر نشانے پر بیٹھا، وکٹ شعیب ملک کے مرہون منت تھی۔