اوکاڑہ (نامہ نگار)حجرہ شاہ مقیم کے نواحی علاقے میں مٹی کی لپائی کے دوران چھت گر گئی، 2 بچے جاں بحق، خاتون اور 2 بچے زخمی ہو گئے‘ ہسپتال منتقل کر دیا گیا۔ تفصیلات کے مطابق نواحی علاقے بہلول پور میں گھر کی چھت مٹی سے لپائی کے دوران گر گئی۔ چھت گرنے کی وجہ سے کمرے میں موجود خاتون اور 4 بچے ملبے تلے دب گئے۔ مقامی افراد نے زخمیوں کو ملبے تلے نکال کر 3 زخمیوں کو ہسپتال منتقل کر دیا‘ اطلاع ملنے پر ریسکیو 1122 کی ایمبولینس جائے حادثہ پر پہنچ گئی۔ ریسکیو ٹیم نے زخمیوں کو ابتدائی طبی امداد فراہم کرتے ہوئے آر ایچ سی حجرہ شاہ مقیم ہسپتال منتقل کر دیا۔ جاں بحق ہونے والوں کی شناخت احسان ولد اشتیاق 5 سال‘ امِ ہانیہ دختر اشتیاق 3سال کے ناموں سے ہوئی ہے جبکہ زخمیوں میں غلام محی الدین، فرید اور فوزیہ بی بی شامل ہیں۔