نواز شریف کے استقبال کی تیاریوں کیلئے متحرک رہنے والے کارکنان کیلئے پر تکلف ناشتے کا اہتمام 

لاہور( این این آئی)پاکستان مسلم لیگ (ن) کے رہنماﺅں کی جانب سے نواز شریف کے استقبال کی تیاریوں کیلئے متحرک رہنے والے کارکنان کیلئے پر تکلف ناشتے کا اہتمام کیا گیا ۔ تفصیلات کے مطابق مسلم لیگ (ن) کے عہدیدار ،سابق اراکین قومی وصوبائی اسمبلی اور ٹکٹ ہولڈرز گزشتہ کئی روز سے استقبال کی تیاریوں میں مصروف ہیں اور اس کےلئے انہیں اپنے حلقوں کے متحرک اور دیرینہ کارکنان کی مدد بھی حاصل رہی ۔ مسلم لیگ (ن) کے رہنماﺅں کی جانب سے گزشتہ کئی روز سے استقبال کی تیاریوں میں دن رات ایک کر دینے والے متحرک کارکنوں کے لئے پرتکلف ناشتے کا اہتمام کیا گیا ۔ کارکنوں کی حلوہ پوری ، بونگ پائے ،انڈا چنے ، کوفتے ، نہاری ،پٹھورے ، لسی اور چائے سے تواضع کی گئی ۔