مردان:پولیس کا پی ٹی آئی رہنما عاطف خان کے گھر پر چھاپا، موجود نہیں تھے

مردان(این این آئی) پولیس نے پی ٹی آئی رہنما عاطف خان کے گھر چھاپہ مارا تاہم اس دوران وہ گھر پر موجود نہیں تھے۔پولیس کے مطابق سابق وزیر عاطف خان پر 9 اور 10 مئی کے واقعات سے متعلق ایف آئی آر درج ہیں، مردان میں ان کی رہائش گاہ پر چھاپہ مارا گیا تاہم وہ گھر پر نہیں ملے۔دوسری جانب نائب صدر پی ٹی آئی خیبرپختونخوا نے دعویٰ کیا کہ سابق ایم پی اے عبدالسلام کے گھروں پر بھی چھاپے مارے گئے۔