نیویارک: کشتی حادثے کا شکار، 7 افراد ہلاک، متعدد زخمی و لاپتہ 

نیویارک (اے پی پی)امریکہ کی ریاست جارجیا میں فیری  حادثے  کے نتیجے میں کم از کم 7 افراد ہلاک جبکہ متعدد زخمی اور لاپتہ ہو گئے ہیں ۔ٹی آرٹی  کے مطابق مقامی پولیس کی جانب سے جاری بیان مین بتایا گیا  ہے کہ میک انٹوش شہر کے جزیرے سپیلو میں گلہ گیچی خزاں کے تہوار کے لیے جمع ہو رہے تھے کہ اسی دوران  لنگر انداز ہونے والی  کشتی  حادثے کا  شکار ہو گئی اور متعدد افراد  پانی میں   ڈوب  گئے۔بتایا گیا ہے کہ حادثے کی وجہ سے کم از کم 7 افراد جان کی بازی ہار گئے، متعدد زخمیوں کو ہسپتال میں داخل کرادیا گیا ہے امدادی  آپریشن جاری ہے۔ایک تحریری بیان میں امریکی صدر جو بائیڈن نے اس حادثے پر گہرے رنج و غم کا اظہار کیا ہے۔