اسلام آباد (نیوز ڈیسک) کوک اسٹوڈیو میں چار سیزن سے موجود ایگزیکٹو پروڈیوسر اسٹرنگز نے تخلیقی میوزک کے ساتھ دنیا بھر میں سامعین کو اپنے سحرمیں جکڑ رکھا ہے۔ اس سیزن کی آخری قسط میں وہ علی ظفر اور علی حمزہ کے ساتھ وائٹل سائنز کا گانے 'اس راہ پر' پیش کررہے ہیں۔ یہ ان کی آٹھ سال کے طویل عرصے بعد واپسی ہے جب سیزن 2 میں انہوں نے 'تتلیاں' گیت پر آخری پرفارمنس پیش کی تھی۔ اسٹرنگز بین الاقوامی طور پر مشہور پاکستانی پاپ راک بینڈ ہے جس کی قیادت بلال مقصود اور فیصل کپاڈیہ کر رہے ہیں۔