بلاول بھٹو کی 32 ویں سالگرہ  نواز شریف‘ مریم کی مبارکباد 

اسلام آباد + لاہور (وقائع نگار خصوصی+ نوائے وقت رپورٹ) پیپلز پارٹی کے چیئرمین بلاول بھٹو کی 32 ویں سالگرہ گزشتہ روز منائی گئی مختلف شہروں میں تقریبات کا انعقاد کیا گیا اور کیک کاٹے گئے۔ چیئرمین پیپلز پارٹی بلاول بھٹو زرداری کی سالگرہ کے موقع پر قائد مسلم لیگ ن میاں نواز شریف نے سماجی رابطے کی ویب سائٹ ٹوئیٹر پر اپنے پیغام میں بلاول بھٹو زرداری کو32ویں سالگرہ  منانے پر مبارکباد دی۔ میاں نواز شریف  نے کہا کہ پیارے بلاول بھٹو زرداری آپ کو سالگرہ کے دن کی ڈھیروں ساری مبارکباد پیش کرتے ہیں اور رب العزت سے رحمتوں کی درخواست ہے۔ علاوہ ازیں مریم نواز نے بلاول بھٹو کی سالگرہ پر پیغام میں کہا کہ آپ کو سالگرہ کی خوشیاں مبارک‘ اے پی سی میں آپ کی مہمان داری کا شکریہ آپ کیلئے بہت ساری دعائیں۔