کراچی(وقائع نگار)لانڈھی اور گلشن معمار میں تیز رفتار ٹینکر وں نے دو موٹر سائیکل سواروں کو کچل کر ہلاک کردیا تفصیلات کے مطابق لانڈھی کے علاقے داود چورنگی کے قریب تیز رفتار ٹینکر نے موٹرسائیکل کو روندڈالا ، حادثے میںایک نوجوان جاں بحق اور دوسرا شخص زخمی ہوگیا ۔ پولیس نے متوفی کی لاش ایمبولنس کے ذریعے جناح اسپتال پہنچائی ، اسپتال میں متوفی کی شناخت 16سالہ فہد ولد حفیظ الرحمان کے نام سے ہوئی پولیس کے مطابق زخمی شخص کو قریبی نجی اسپتال منتقل کیا گیا، پولیس کا کہنا تھا کہ ڈرائیور واٹر ٹینکر چھوڑ کر  فرار ہوگیا جس کی تلاش کی جارہی ہے ، گلشن معمار کے علاقے ایم ڈی کٹ کے قریب بھی ٹریفک حادثے میں موٹر سائیکل سوار جاں بحق ہوگیا متوفی کی شناخت 42 سالہ نصیر لال کے نام سے ہوئی جبکہ حادثہ تیز رفتار مزدا کی موٹر سائیکل کو ٹکر کے باعث پیش آیا تھا ۔