سنوکر 6 ریڈ ورلڈکپ: پاکستانی کیوئسٹ بابر مسیح فائنل ہار گئے  بھارتی کیوئسٹ پنکج ایڈوانی نے فائنل میں سات پانچ سے کامیابی حاصل کی 

لاہور(سپورٹس رپورٹر)دفاعی چیمپئن بھارتی کیوئسٹ پنکج ایڈوانی نے سنسنی خیز مقابلے کے بعد پاکستان کے بابر مسیح کو شکست دیکر آئی بی ایس ایف سکس ریڈ ورلڈ سنوکر چیمپئن شپ جیت لی۔چیمپئن شپ میں پاکستان کی جانب سے بابر مسیح اور حارث طاہر نے شرکت کی۔ بابر نے کوارٹر فائنل میں حارث طاہر کو شکست دیکر سیمی فائنل اور پھر فائنل میں جگہ بنائی۔بابر مسیح پہلے پاکستانی ہیں جو فائنل میں پہنچنے میں کامیاب ہوئے۔قطر میں کھیلی جانیوالی چیمپئن شپ کے فائنل میں پنکج ایدڈوانی نے 7-5 کی کامیابی حاصل کی۔