لاہور(سپورٹس رپورٹر)انٹرنیشنل کرکٹ کونسل نے پلیئرز کی نئی رینکنگ جاری کر دی، بابر اعظم کی رینکنگ ایک درجے کم ہو گئی ہے۔آئی سی سی کی نئی ٹی ٹوئٹی رینکنگ میں محمد رضوان کا پہلی پوزیشن پر قبضہ برقرار ہے ، بابر اعظم تیسرے سے چوتھے نمبر پر چلے گئے ہیں۔جنوبی افریقہ کے ایڈن مارکرم دوسرے اور بھارت کے سوریا کمار یادیو تیسرے نمبر پر آگئے ہیں۔انگلینڈ کے ڈیوڈ میلان کا پانچواں اور آسٹریلیا کے ایرون فنچ کا چھٹا نمبر ہے۔ٹی ٹونٹی باﺅلرز کی رینکنگ میں آسٹریلیا کے جوش ہیزل ووڈ کا پہلا نمبر ہے۔جنوبی افریقہ کے تبریز شمسی کی دوسری اور انگلینڈ کے عادل رشید کی تیسری پوزیشن ہے۔افغانستان کے راشد خان چوتھے نمبرپرآگئے جبکہ آسٹریلیا کے ایڈم زمپا پانچویں نمبر پرچلے گئے ہیں۔ شاداب خان 14 ویں نمبر پر موجود ہیں اور شاہین شاہ آفریدی 17 ویں سے 19 ویں نمبر پر چلے گئے ہیں۔