میرپورخاص(بیورورپورٹ)جے ڈبلیو سی کی جانب سے متاثرین سیلاب کی امدادی سرگرمیاں مسلسل جاری ہیں، سیلابی پانی میں محصور افراد کے لئے جے ڈبلیو سی کی ٹیم ٹریکٹر اور کشتیوں کے زریعے ان علاقوں میں پہنچے جہاں سرکاری ادارے بھی نہ پہنچ سکے۔ٹنڈو جان محمد اور جھڈو میں بھی جے ڈبلیو سی کی جانب سے متاثرین کے لئے فری میڈیکل کیمپ بھی لگایا گیا جہاں ضلع کے معروف سرجن ڈاکٹر لیکھراج راٹھور، ڈاکٹر جیوت اور ڈاکٹر فرح نے 300 سے زائد مریضوں کا معائنہ کیا اور فری ادویات تقسیم کیں اور متاثرین میں خشک راشن، پینے کا پانی، مچھردانیاں اور دیگر امدادی اشیاءبھی متاثرین میں تقسیم کیں۔ اس موقع پرجے ڈبلیو سی کے مرکزی رہنما نذیر احمد پنھور،شوکت پہنور، فہد سلطان چانڈیو، بلال محمود، اعجاز بھٹی، بلال بھٹی، اسد چاکی، نظام پنہور، نعمان جھنڈیر اور اشوک کمار موجود تھے۔