منہاج القرآن کی 39 ویں عالمی میلاد کانفرنس کی تیاریاں شروع 

لاہور(خصوصی نامہ نگار)تحریک منہاج القرآن کی 39 ویں عالمی میلاد کانفرنس کی تیاریاں شروع کر دی گئی ہیں۔سکیورٹی کمیٹی،دعوتی کمیٹی،تشہیر کمیٹی،میڈیا کمیٹی،سوشل میڈیا کمیٹی سمیت50سے زائد انتظامی کمیٹیاں تشکیل دے دی گئی ہیں۔بانی و سرپرست تحریک منہاج القرآن شیخ الاسلام ڈاکٹر محمد طاہرالقادری کانفرنس سے خصوصی خطاب کریں گے۔ربیع الاول کے مبارک مہینے کا چاند نظر آتے ہی عالمی میلاد کانفرنس کی تیاریاں عروج پر پہنچ جائیں گی۔کانفرنس کی تشہیر کیلئے لاہور میں ہورڈنگز اور بینرز لگانے شروع کر دئیے گئے ہیں۔کانفرنس میں بیرون ملک سے بھی اہم شخصیات شرکت کریں گی۔اہم مذہبی،سیاسی،سماجی،علمی شخصیات کانفرنس میں شریک ہوں گی۔ان خیالات کا اظہار نائب ناظم اعلیٰ تحریک منہاج القرآن اور سیکرٹری عالمی میلاد کانفرنس جواد حامد نے تشکیل دی گئی کمیٹیوں کے سربراہان سے گفتگو کرتے ہوئے کیا۔