سٹی جمخانہ مظفر گڑھ نے نواب عاشق حسین قریشی  کرکٹ چیمپئن شپ  لی

ملتان (جنرل رپورٹر)کرکٹ بورڈ اور جنوبی پنجاب سدرن کرکٹ ایسوسی کے زیراہتمام کھیلی گئی نواب عاشق حسین قریشی ٹرافی 22-2021 کلب چیمپئن شپ کا گرینڈ فائنل سٹی جمخانہ مظفر گڑھ نے جیت لیا۔سٹی جمخانہ مظفر گڑھ نے کریسنٹ ملتان کو سنسنی خیز مقابلہ کے بعد 6وکٹوں سے شکست دے دی۔سٹی جمخانہ نے 50 اوورز کے میچ میں کریسنٹ کلب کا 284 رنز کا ہدف 49ویں اوور میں 4وکٹوں کے نقصان پر حاصل کیا۔ فاتح  ٹیم کے بیٹر اللہ دتہ کو ناقابل شکست 82رنز کی فتح گر اننگز کھیلنے پر مین آف دی میچ قرار دیا گیا۔کریسنٹ کے زین عباس نے شاندار سنچری سکور کی اور انٹر نیشنل کرکٹر صہیب مقصود نے 42رنز کی اننگز کھیلی۔ اختتامی تقریب میں مہمانان خصوصی حسن حسین قریشی ،وسیم حیدر اورڈاکٹر عبدالصبور نے انعامات تقسیم کیے۔