قلعہ دیدارسنگھ(نمائندہ خصوصی)سابق وفاقی وزیر قانون وسابق ایم این اے چوہدری محمود بشیر ورک،صدر مسلم لیگ ن ترکیہ میر ابرار احمد بٹ نے اپنے مشترکہ بیان میں کہا ہے کہ پاکستان مسلم لیگ(ن) کی ترجیحات میں کھیلوں کے گراﺅنڈ آبادکرنا شامل ہے گراﺅنڈ آباد ہونے سے نہ صرف صحت مند معاشرہ تشکیل پائے گا بلکہ ہسپتالوں میں مریضوں کی تعداد میں بھی کمی واقع ہو گی۔آئندہ الیکشن میں انشاءاللہ کامیابی نوجوانوں کی بھرپور کوششوں کی وجہ سے ہوگی اور ملک میں رکا ہوا ترقی کاسفر دوبارہ شروع ہوگا۔ان خیالات کااظہار انہوں نے” ہردوڈیوڈھی “میں بابا جھنڈے شاہ کے سالانہ عرس مبارک کے موقع پر عظیم الشان دوستانہ کبڈی میچ میں عوام الناس سے خطاب کے دوران کیا۔دوستانہ کبڈی میچ میں انٹرنیشنل کبڈی پلیئر شرافت علی گجر سمیت ملک کے نامور کبڈرز نے شرکت کی'مہمانوں کا ڈھول کی تھاپ پر شاندار استقبال کیا گیا، میر ابرار احمد کی جانب سے کبڈی پلیئر دانش علی کوموٹر سائیکل کا تحفہ دیا گیا،کبڈی میچ جیتنے والی ٹیم کو نقدی اور ٹرافی سے حوصلہ افزائی کی۔