سعودی چیف آف جنرل سٹاف سے ملاقات، فضائیہ کو جدید ٹیکنالوجی پر استوار کر رہے ہیں: ائر چیف

اسلام آباد (نوائے وقت رپورٹ) سعودی چیف آف جنرل سٹاف کی قیادت میں وفد نے ائر ہیڈ کوارٹرز اسلام آباد کا دورہ کیا۔ ترجمان ائر فورس نے کہا کہ سربراہ پاک فضائیہ سے سعودی چیف آف جنرل سٹاف نے ملاقات کی۔ باہمی دلچسپی کے امور، دفاعی تعاون پر تبادلہ خیال کیا گیا۔ پاک فضائیہ کے چاق و چوبند دستے نے معزز مہمان کو گارڈ آف آنر پیش کیا۔ ائر چیف نے کہا کہ پاک فضائیہ کو جدید ٹیکنالوجی کے حصول پر استوار کیا جا رہا ہے۔ سعودی عرب مسلم دنیا کا مرکز اور بہترین تزویراتی شراکت دار ہے۔