لاہور(کامرس رپورٹر ) 3 روزہ انٹرنیشنل پولٹری ایکسپوکاگزشتہ روز ایکسپو سنٹر میں آغاز ہو گیا ہے۔ پاکستان پولٹری ایسوسی ایشن کے زیر اہتمام انٹرنیشنل پولٹری ایکسپو 21ستمبر2023 سے ایکسپو سنٹر لاہور میں منعقد کی گئی۔افتتاحی تقریب میں مسعود انور ،سیکرٹری لائیوسٹاک اینڈ ڈیری ڈولپمنٹ ڈیپارٹمنٹ نے بطور مہمان خصوصی شرکت کی اور ایگزیبشن کا افتتاح کیا۔ نمائش کی افتتاحی تقریب سے عبدالحئی مہتا نے کہا کہ بحیثیت چیف آرگنائزر میں پولٹری کی صنعت سے وابستہ تمام افراد کا شکر گزار ہوں کہ انہوں نے مجھ پر اعتماد کیااور اتنے بڑے ایونٹ کی سربراہی کا شرف بخشا۔ انٹرنیشنل پولٹری ایکسپو ایک بین الاقوامی ایونٹ ہے جس کو منعقد کروانے کیلئے انٹرنیشنل پولٹری ایکسپو کی آرگنائزنگ کمیٹی نے دن رات کام کیا۔ پاکستان کی پولٹری انڈسٹری معیاری اور سستی پروٹین فراہم کر رہی ہے۔ اس صنعت میں جدید اور اعلٰی معیار کی مشینری استعمال کی جا تی ہے۔