لاہور (سپورٹس رپورٹر) پاکستان‘ انگلینڈ ٹیسٹ سیریز کے سلسلہ میں پاکستانی ٹیسٹ سکواڈ کیلئے مشاورت آئندہ ہفتے کے دوران ہو گی۔ذرائع کے مطابق ریڈ بال ہیڈ کوچ جیسن گلیسپی سلیکٹرز کیساتھ مل کر ٹیم کو حتمی شکل دیں گے، ٹیسٹ ٹیم کے کپتان شان مسعود کو تبدیل کرنے کا امکان نہیں۔ریڈ بال ہیڈ کوچ جیسن گلیسپی آج لاہور پہنچ رہے ہیں جبکہ وائٹ بال ہیڈ کوچ گیری کرسٹن پہلے ہی پاکستان میں موجود ہیں، دونوں فارمیٹ کے کوچ 23 ستمبر کو کنکشن کیمپ میں شریک ہوں گے، جیسن گلیسپی اور گیری کرسٹن بھی مستقبل کی منصوبہ بندی کیلئے ملاقات کریں گے۔وائٹ بال ہیڈ کوچ گیری کرسٹن کی پاکستان موجودگی کے دوران پاکستان وائٹ بال ٹیم پر مشاورت ہو گی۔