خانقاہ ڈوگراں(نامہ نگار+نمائندہ خصوصی) نواحی گاؤں ساہو والا میں بابا بھلی والی سرکار کے عرس پر کبڈی کا بڑا ٹاکرا۔ نواحی گاؤں ساہووالا میں کبڈی کا میچ ہوا جس میں عارف جٹ کبڈی کلب، اتحاد کبڈی کلب، کڑی والا کبڈی کلب اورالطاف بٹ کبڈی کلب کے نامور کھلاڑیوں نے شرکت کی۔ گردونواح کے دیہات سے آئے سینکڑوں افراد نے میچ دیکھا۔ کانٹے دار میچ میں فائنل جیتنے والی ٹیم کو ایک لاکھ روپے اور ٹرافی دی گئی۔تقریب کے مہمان خصوصی شفیق جٹ نے کھلاڑیوں میں انعامات تقسیم کئے۔