مدثر قیوم ناہرا ،چوہدری نواز کی حیدر علی کو کانسی کا تمغہ جیتنے پر مبارکباد 

قلعہ دیدار سنگھ(نمائندہ خصوصی) لیگی رہنما ئوں  وقائد ناہرا گروپ حاجی مدثر قیوم ناہرا سابق ایم این اے اور چوہدری محمد نواز چوہان ایم پی اے نے اپنے حلقہ کے رہائشی اولمپئن حیدر علی کے گھر گئے اور اولمپکس گیمز کے ڈسکس تھرو کے مقابلوں میں کانسی کا تمغہ جیتنے پر مبارکباد دی ۔مستقبل کے لئے نیک تمناؤں کا اظہار کیا۔ انہوں نے کہا کہ حیدر علی ہمارے نوجوان نسل کے لئے آئیڈیل اور قابل تقلید شخصیت ہیں ان کی ہمت اور کوششیں پوری قوم کے لئے تحریک کا باعث ہیں حیدر علی کا پیرالمپکس میں یہ چوتھا میڈل ہے اس سے قبل وہ 2021 کے ٹوکیو پیرالمپکس میں گولڈ میڈل، 2008 بیجنگ میں سلور میڈل اور 2016 ریو میں براؤن میڈل اور اس کے علاؤہ بھی حیدرعلی متعدد عالمی میڈل جیت چکے ہیں۔