ورجینیا (آئی این پی)پانچ نومبر کو مقررہ انتخابی دن سے تقریبا سات ہفتے قبل امریکی صدارتی انتخابات میں ابتدائی ووٹنگ ورجینیا، مینیسوٹا اور سائوتھ ڈکوٹا کی ریاستوں میں شروع ہوگئی، ووٹر پولنگ سٹیشنوں پر ذاتی طور پر یا ای میل کے ذریعے اپنا ووٹ ڈال سکتے ہیں،واضح رہے کہ ابتدائی ووٹنگ 2020 کے انتخابات کے دوران بہت مقبول ہوئی تھی جبدس کروڑ  سے زیادہ ووٹرز نے انتخابات کے دن سے پہلے بذریعہ ڈاک یا ذاتی طور پر اپنا حق رائے دہی استعمال کیا،اس وقت کرونا وائرس وبائی امراض کے پھیلنے کے درمیان پولنگ سٹیشنوں میں ہجوم سے بچنے کے لئے ایسی ووٹنگ میں زیادہ افراد نے حصہ لیا تھا، کئی ریاستوں نے بعد کے انتخابات میں یہ انتخابی آپشن فراہم کرنا جاری رکھا،مینیسوٹا اور سائوتھ ڈکوٹا ڈاک کے ذریعے یا ذاتی طور پر ابتدائی ووٹنگ کے اختیارات پیش کرتے ہیں اور ورجینیا پولنگ کے مقامات پر جا کر ذاتی طور پر ابتدائی ووٹنگ تک محدود ہے،ابتدائی ووٹنگ پانچ نومبر کو امریکی صدارتی انتخابات کے دن سے پہلے ووٹنگ کے عمل کو آسان بنانے کے لئے ریاستوں کی طرف سے فراہم کردہ انتخابی اختیارات کے ایک گروپ کا حصہ ہے۔