رحیم یارخان+ کشمور (این این آئی) کچے کے علاقے میں پولیس نے کارروائی کر کے مغوی کو بازیاب کروا لیا۔ تفصیلات کے مطابق رحیم یار خان کے کچے کے علاقے پکا چانڈیہ میں انٹیلی جنس بیسڈ ٹارگٹڈ کارروائی کی گئی اور مغوی کو بحفاظت بازیاب کروا لیا گیا۔ بازیاب مغوی معشوق کو 5 روز قبل مقامی شوگر مل سے واپسی پر کوٹ سبزل کے علاقے سے اغوا کیا گیا تھا۔ دو طرفہ فائرنگ کے تبادلے کے بعد اغوا کار مغوی کو چھوڑ کر کماد کی فصل میں فرار ہو گئے۔ دریں اثناء سندھ کے ضلع کشمور میں ڈاکوؤں سے رابطے کے الزام میں دو اہلکاروں کو معطل کر دیا گیا۔ ایس ایس پی نے بتایا کہ معطل ہونے والے اہلکاروں میں ہیڈ کانسٹیبل قمر جکھرانی اور اہلکار مینگل جکھرانی شامل ہیں۔ دونوں کو گرفتار کر کے مقدمہ درج کر لیا گیا۔