شکر گڑھ(نامہ نگار)  گردوارہ کرتار پور صاحب میں بابا  گورونانک کی 485 ویں برسی کی تین روزہ  تقریبات کے دوسرے  روز نگر کیرتن کا جلوس نکالا گیا۔ پاکستان اور بھارت سمیت دنیا بھر سے آئے  یاتریوں نے شرکت کی۔اجتماعی دعائیہ تقریب ہوئی۔زائرین رات کرتار پور قیام کریں گے۔ نگر کیرتن کا جلوس احاطہ دربار صاحب سے زیرو لائن تک نکالا گیا۔جلوس  کے  شرکا  نے ہاتھوں میں جھنڈے اٹھا رکھے تھے۔خواتین و مرد سکھ یاتریوں کی بڑی تعداد کو زیرو لائن تک گاڑیوں میں  جلوس کی صورت میں لے جایا گیا ۔ ملک بھر سمیت دنیا بھر سے یاتریوں کی کرتارپور آمد کا دن بھر   سلسلہ جاری رہا۔ لنگر ہال میں یاتریوں کی تواضع  چنے ،چاول ، کڑھی پکوڑا ،روٹی اور دیگر مزے مزے کے پکوانوں سے کی گئی۔