مشتاق احمد کی بیٹی کی شادی، کرکٹرز ‘ فلمی ستاروں کی تقریب میں شرکت

لاہور(سپورٹس رپورٹر)سابق ٹیسٹ کرکٹر مشتاق احمد کی بیٹی حبیبہ کی شادی کی پرمسرت تقریب ہوئی جس میں کرکٹرز اور فلمی ستاروں نے شرکت کی۔ لاہور میں ہونے والی اس تقریب میں شرکت کیلئے بابر اعظم، شان مسعود، عثمان قادر فیصل آباد سے لاہور آئے۔تاہم چیمپئنز ون ڈے کپ میں شریک کھلاڑی تقریب میں شرکت کے بعد فیصل آباد واپس چلے گئے۔پینتھرز کے مینٹور ثقلین مشتاق بھی تقریب میں شرکت کیلئے فیصل آباد سے لاہور آئے۔سابق چیئرمین پی سی بی رمیز راجہ، سابق کپتان محمد حفیظ، اظہر علی، انضمام الحق نے بھی تقریب میں شرکت کی۔ تقریب میں مشتاق احمد کے قریبی عزیز و اقارب بھی شریک ہوئے۔واضح رہے کہ چند روز قبل مشتاق احمد کی بیٹی کا نکاح لاہور میں ہوا تھا۔