راولپنڈی(جنرل رپورٹر)اسلامی جمعیت طالبات پاکستان، صوبہ شمالی پنجاب کے تحت منتخب کارکنان کے لیے سہ روزہ لیڈرشپ کیمپ کا نعقاد کیا گیا، ناظمہ صوبہ شمالی پنجاب، اسلامی جمعیت طالبات پاکستان، محترمہ خنسا عرفان نے کہا کہ اس ظلمت میں ہمیں چراغ کی مانند بننا ہے جو اپنے ساتھ ساتھ اردگرد کے ماحول کو روشن کرنے کی جدو جہد کرتا ہے۔ اسلامی قیادت کے تقاضوں کو اجاگر کرتے ہوئے شرکا سے کہا گیا کہ ایک لیڈر دور اندیشی، خوئے دلنوازی، صبر و تحمل، قوتِ فیصلہ اور راہ حق میں استقامت جیسی صفات سے متصف ہوتا ہے جو لاکھوں لوگوں میں اسے ممیز کرتی ہیں۔