راولپنڈی(جنرل رپورٹر)ایڈیشنل سیکرٹری لائیوسٹاک ایڈمن محمد زبیر نے ڈائریکٹر لائیوسٹاک راولپنڈی ڈویژن آفس کا دورہ کیا، ڈائریکٹر لائیوسٹاک راولپنڈی ڈویژن ڈاکٹر نویدِ سحر اور ایڈیشنل ڈائریکٹر ڈاکٹر عتیق الررحمان ضلع راولپنڈی کے ساتھ کمشنر اور ڈپٹی کمشنر سے ملاقات کی تاکہ لائیوسٹاک ٹیم راولپنڈی کی جانب سے ڈینگی کے حوالے سے کیے گئے اقدامات کا جائزہ لیا جا سکے،ایڈیشنل سیکرٹری لائیوسٹاک نے راولپنڈی تحصیل کے فیلڈ علاقوں اور لائیوسٹاک فارمز کا بھی دورہ کیا اور فیلڈ میں ٹیموں کی تمام سرگرمیوں اور نگرانی کا معائنہ کیا، ریکارڈ کی تصدیق کی اور ڈائریکٹر لائیوسٹاک راولپنڈی ڈاکٹر نویدِ سحر اور ان کے فیلڈ اسٹاف کو ضلع راولپنڈی میں نگرانی اور انسدادِ ڈینگی سرگرمیوں پر سراہا۔