راولپنڈی(جنرل رپورٹر)گلریز ہائوسنگ سوسائٹی میں بجلی کی غیر اعلانیہ لوڈ شیڈنگ سے نجی تعلیمی ادارے اور رہائشی بری طرح متاثر ہو رہے ہیں، حکام تعلیمی اوقات میں بجلی کی بندش کا فوری نوٹس لیں یہ مطالبہ آل پاکستان پرائیویٹ سکولز مینجمنٹ ایسوسی ایشن ضلع راولپنڈی خواتین ونگ کی صدر سکینہ تاج، سیکرٹری جنرل مسز رومانہ عظمت، مسز شگفتہ اسد نے اپنے ایک بیان میں کیا، انھوں نے کہا کہ گلریز ہاسنگ سوسائٹی میں تدریسی سرگرمیوں کے دوران بجلی کی عدم فراہمی ایک مستقل مسئلہ بن چکی ہے۔ اہل علاقہ کے ساتھ ساتھ نجی تعلیمی ادارے بھی اس سے بری طرح متاثر ہورہے ہیں،سیکرٹری پاورڈویژن نوٹس لیں، گلریز ہاسنگ سوسائٹی کے ایس ڈی او کو تحریری درخواستیں بھی دیں مگر کوئی شنوائی نہ ہوسکی۔