ہفتہ وارتعطیلات، ملکہ کوہسارمری میں سیاحوں کی آمد کاسلسلہ جاری

 مری(نمائندہ خصوصی)ہفتہ وارتعطیلات کے باعث ملکہ کوہسارمری میں سیاحوں کی آمد کاسلسلہ جاری،سیاح مری کے حسین موسم،خوبصورت نظاروں،سرسبز کوہساروں اوربادلوں اوردھوپ میں ہونیوالی آنکھ مچولی سے خوب لطف اندوز ہورہے ہیں،ان دنوں موسم خزاں شروع ہوچکا ہے درختوں سے پتے گرنے شروع ہوگئے ہیں ایسے میں مری کاموسم بھی انتہائی خوشگوار ہے،شام ہوتے ہی سردی بڑھ جاتی ہے جس کی وجہ سے سیاحوں اورمقامی لوگوں نے گرم کپڑوں،ڈرائی فروٹ اورگرم مشروبات کا استعمال کرتے ہیں،گرمائی سیزن کے ختم ہونے کے بعد یہاں کاسیزن ویک انڈ تک ہی محدود ہوگیا ہے،توقع کی جارہی ہے امید ہے کہ گذشتہ سال کی نسبت رواں سال زیادہ برفباری متوقع ہے، نومبر یادسمبر میں برفبای کاآغاز ہوسکتا ہے جسکے فوری بعد سیاحوں کی روزانہ کی بنیادپرآمد کاسلسلہ پھر شروع ہوجائیگا۔